Волонтёръёс юрттэт возьматыны котьку дась!

«Единая Россия» партилэн регионысь исполкоменыз кивалтӥсьлэн воштӥсезлэн Александр Мельниковлэн кылъёсызъя, Башкортостанын волонтёръёслэн центрзы пӧртэм ӧръёсъя ужа. «Арлыдоослы юрттэт возьматон вылысь, «автоволонтёры» ӧр кылдытэмын. Та дыре республикаын 940 автоволонтёръёс но 3100 волонтёръёс ужало. Соос самоизоляциын пукисьёслы, секыт югдуре шедемъёслы юртто», - вера А. Мельников.

Юрттэт курыса вазиськись арлыдоослэн лыдзы, «Наша забота» колл-центрысь операторлэн Лилия Хабабутдиновалэн кылъёсызъя, республикаын нуналысь нуналэ йылэ. «Берло нуналъёсы колл-центре вазиськисьёслэн трослы будӥз. Азьло сюлэсь трос адями жингыртэ ке вал, али – 250-300 адями. Ӵемысь вазисько эмъюмъёс, сиён-юон басьтон пумысен. Вакцинация сярысь юанэн вазиськисьёс но вань: кинэ ке но поликлиникае келяно, кин ке но дораз эмчиостиы ӧтьыса, вакцинация лэсьтытыны малпа», - вера колл-центрысь оператор.

Волонтёръёс пӧлын егитъёс но трос. Татышлы ёросысь егитъёслэн политиказыя ёзэтэн кивалтӥсь Эльза Валиева вотэс бамаз гожтэ: «Волонтёръёс самоизоляциын адямиослы сиён-юон но мукет кулэ луись арбериос вуттон ужзэс азинто. Со сяна, соос коронавируслы пумит нюръяськонэн сэрен куронъёсты эскеронъя рейдъёсы но потало. Волонтёръёс калыкез-лыдъян чотанэз радъянын но юрттэт возьмато. Лыктэ волонтёръёслэн радазы! Луэ юрттэт возьматӥсьёсын ӵош!».

«Наша забота» центр 2020-тӥ арысь южтолэзьысен ужа. Со Башкортостанысь 25 бадӟымесь волонтёрской движениосты огазеяз. Волонтёръёс пандемия кутскем дырысен адямиослы юрттэт возьмато.

Фото: https://vk.com/elza_danilovna?z=photo-206814084_457239053%2Fwall56214568_3708