Россиын калыкез лыдъян-чотан азинске

Кылсярысь, кӧня калык улэ Россиын, регионъёсын, городъёсын но гуртъёсын? Перепись бере тодмо луоз, кыӵе улон луонлыкъёссы адямиослэн? Кытын соос ужало? Ма сярысь соос сюлмасько? Кыӵе кылын верасько но мукет. Переписьлэн статистикаезъя кун программаос кылдо, луэмъёсаз воштӥськонъёс пырто.

Калтасы ёросысь Качкин-Турай гуртысь Алина Зидыгановалы переписчиклэн ужез тодмо. Та ӧрын со нырысьсэ уг ужа ни. Вераны кулэ, Алина Сабирьяновна туэ гудырикошкон толэзе ортчем сельскохозяйственной микропереписе но пыриськиз, куать гуртъёсын ужаз.

Калыкез лыдъян-чотатан кутскем дырысен  Алина Сабирьяновна 144 адямиосын вераськем. Со вера: «Азьвыл аръёсын ӵошатоно ке, али калыкен ужаны, вераськыны секытгес. Коронавирусэн сэрен со озьы, лэся. Озьы ке но адямиосын огкыл шедьтыны тыршоно».