Башкириын суткаяз 670 адями коронавирусэн висьыны усиз

Та дыре Башкириын коронавирусэн нюръясько 8327 висисьёс. Соос пӧлысь сюрсэз стационаръёсын эмъясько, кылемъёсыз – доразы. Со сярысь ивортэ БР-ысь Минздрав.

Берлось сутка ӵоже республикаын ковидэн сэрен 36 адямилэн улонэз чигиз, пандемия кутскем дырысен – 2268 адямилэн. Соос пӧлысь 1951-ез – 60 ареслэсь бадӟымъёс.

Коронавирусной инфекциен сэрен  та нуналъёсы улонысь кошкиз врач-рентгенолог Ринат Кайбышев. Со Зубовоысь ковид-госпитальын ужа вал.

Берлось сутка ӵоже Башкириын 31 сюрслэсь трос адями ковидлы пумит вакцина пуктытэм. Прививка басьтэмъёслэн огъя лыдзы - 1,5 миллион адями.

Фото: ИА "Башинформ"