«Зауралье-2021» инвестсабантуйын республикаямы улӥсьёслэсь калык костюмъёссэс возьматозы

Сое дасясьёслэн ивортэмзыя, инвестиционной сабантуйын стратегической но дискуссионной сессиос ужалозы, котырес ӝӧк сьӧрын вераськонъёс радъяськозы. Со сяна, та нуналъёсы калык сиён-юонъёсъя конкурс-фестиваль, «КумысFEST» но калык костюмъёсын шествие ортчытыны чакламын.

Тодады вайытӥськом, Башкортостан Республикалэн Тӧроезлэн Радий Хабировлэн Указэзъя, 2020-тӥ арысен сентябрьлэн кыкетӥ пятницаяз но апрельлэн куинетӥ пятницаяз Калык костюмъёслэн нуналзы радъяське.