Фестивальын вормисьёслы башкир выжыысь вал кузьмалозы

Республикаямы Башкортостанысь Калыкъёслэн эшъяськон юртсылэн кубокез понна «Батырфест» фестиваль ортчоз. Со Тазалыклэн но шумпотыса кема улонлэн арзылы сӥземын. Фестивале котькуд мылкыд карись адями пыриськыны быгатоз. Вормисьёслы валтӥсь кузьым – башкир выжыысь вал.  

Фестиваль онлайн амалэн но радъяськоз. Со сярысь пыр-почгес лыдӟыны быгатоды Калыкъёслэн эшъяськон юртсылэн вотэс бамысьтыз.

Фото:https://ru.wikipedia.org/wiki/Башкирская_лошадь