Башкортостанын школаын дышетскисьёслэн быдэсросси олимпиадаязы пыриськыны мылкыд карисьёслэн лыдзы йылэ.
Олимпиада ньыль этапен ортче. Школаын вормисе потэмъёс муниципал этапын кужымзэс эскеро. Отын ӟеч-тодон валанзэс возьматэмъёс республика этапе пырисько. Республикаын вормисе потэмъёс – йылпумъян эапе пото. БР-лэн Тӧроезлэн Радий Хабировлэн указэзъя, школьникъёслэн быдэсросси олимпиадаязы пыриськыса, вормисе потэмъёс но призёръёс, соосты дасям дышетӥсьёс премиосын пусйисько.
2020-2021-тӥ дышетскон арын быдэсросси олимпиадае 530 сюрслэсь трос дышетскисьёс пыриськизы. Соос пӧлысь 3523-ез региональной этапын кужымзэс мертазы, 128-эз – Башкортотанысь пиналъёс. Соос пӧлысь сизьымез вормисе потӥзы, 40-эз призёр луизы.
Башкортостанын ӟеч дышетскись нылпиослы азинскыны луонлыкъёс кылдытэмын. Кылсярысь, «Аврора» таланто нылпиосты азинтонъя центр ужа. Со «Образование» нацпроект улсын кылдытэмын.