Фольклориада но лыдпусъёс

Башкортостанын Фольклориада йылпумъяськиз

Бадӟым фольклор фестивале 37 странаосысь делегациос пыриськизы. Проект фестивале пыриськись 1020 адямиосты, 70 ремесленникъёсты огазеяз. Фольклориада улсын Уфаын кык дунне рекордъёс юнматэмын: эшъяськон хороводэ 57 шаеръёс но 71 национальностьёс пыриськизы. Хороводын огъя 2700 адями лыдъяськиз.

«Уфа-Арена» йӧ дворецын ужрадэз усьтонэ 1000-лэсь трос артистъёс пыриськизы. Уже кутэмын 500-лэсь ятыр интеллектуальной световой приборъёс, 800 квадрат метрлэсь трос светодиодной экранъёс.

Ужрадэз йылпумъянын «Торатау» Конгресс-холл азьысь амфитеатрын 19 шаеръёсысь коллективъёс культуразэс возьматӥзы, куать истребительёслэсь авиашоузэс учкыны луиз.

Фольклориада вакытэ Уфаын валтӥсь сценаын – «Сердце фольклориады» - нунал концертъёс луизы. Арня куспын 28 площадкаосын огъя 61 концерт возьматэмын. Фольклориадае вуэм коллективъёс концерт программаосынызы 10000 иськем сюресэз ортчизы. Фольклориадалэн ужрадъёсаз 100 сюрслэсь трос адями пыриськиз.

4-9-тӥ пӧсьтолэзе Башкортостанысь Йӧскалык музейын «Маски народов мира» но «Музыкальные инструменты народов мира» калыккуспо адӟытонъёс ужазы. Нырысетӥяз 27 шаеръёсысь 32 экспонатъёс возьматэмын вал, нош кыкетӥяз – 34 крезьгуро инструментъёс.

Башкортостанын ортчем фольклориада сярысь 50 шаеръёсын веразы-гожъязы. 1,5 сюрслэсь трос постъёс – кунгож сьӧрысь соцсетьёсын. Меӵак эфиръёс пӧртэм каналъёсын миллионлы матэ учкисьёсты люказы.

Фото: Алексей Самирзянов.