«За верность и любовь» медален данъязы

Дас куинетӥ арзэ ни Россиын Семьялэсь, яратонлэсь но чынлыклэсь нуналзэ пусъё. Та нуналэз кемалась уг пусъё ке но, со тросэзлэн яратоно праздниксы луэ. Тямысэтӥ пӧсьтолэзе быдэс семьяен люкасько но матысьёссэс кузьымъёсын, сяськаосын ӟечкылало.

Янаул ёросын ӟеч сямлы пӧрмемын 8-тӥ пӧсьтолэзе «За верность и любовь» медален семьяосты данъян. Со арлы быдэ кема аръёс ӵоже ӵош улэм но адӟем карымон нылпиос будэтэм одӥг семьялы сётӥське. Туэ та медалез басьтыны шуд усиз Шудекысь Васиуллин кузпалъёслы. Александр Галиахметовичез но Бакытжамал (Валентина) Жумашевнаез праздникен ӟечкыланы Янаул ёрос администрациен кивалтӥсь Ильшат Вазигатов, солэн социальной ужпумъёсъя воштӥсез Гаухар Миндиярова но Шудек гурт поселенилэн администрациеныз кивалтӥсь Валерий Гарипов вуизы.

Туспуктэмъёс: https://yanzori.rbsmi.ru/articles/sobytiya-i-fakty/Semya-iz-Yanaulskogo-rayona-poluchila-medal-Za-vernost-i-lyubov-853357/