Туннэ Татышлы ёрос Фольклориадаез пумита

Толон, 6-тӥ июле, Фольклориада Бурзян, Нуриман, Караидель Янаул ёросъёсы но Стерлитамаке вуиз. Туннэ сизьым странаосысь - Азербайджанысь, Бенинысь, Индиысь, Парагвайысь, Хорватиысь, Чилиысь, Эстониысь – вуэм куноосты татышлыос пумиталозы.

Ньыль час ӵоже кунгож сьӧрысь куноос (141 адями – 67 пиосмуртъёс но 74 нылкышноос) учкисьёсты шулдыртозы.

Ужрад 15.00 часын кутскоз. Нырысь концерт возьматозы Татышлы ёросысь артистъёс, творческой коллективъёс. 16.00 часын сцена вылэ потозы куноос.