Фольклориада Янаул ёросэ вуиз

Туннэ Фольклориадалэн одӥгез концертэз Янаул городын ортчоз.

Отчы вуизы Хорватиысь, Чилиысь, Эстониысь, Парагвайысь, Азербайджанысь, Бенинысь, Индиысь фольклор коллективъёс. Куноосты сӥё-дано пумитанэ пыриськизы удмурт гуртъёсысь колективъёс но: Вуж Варашысь "Югдон", Нанядыысь "Инвожо", Барабановка "Азвесь гур", Шудекысь "Чибориё", Андреевкаысь "Зангари" ансамбльёс. Концертэз куинь часын Янаул ёросысь усточиос кутскозы, собере азьланьтозы кыдёкысь вуэм куноос.
Фото: Янаульские зори.