Башкортостанысь удмуртъёслэн национально-культурной центрзылэн Бурай ёросын филиалэз усьтӥськиз

Башкортостанын 1996-тӥ арысен удмуртъёслэн национально-культурной центрзы ужа. Туэ солэн черодысь съездэз ортчиз. Отын республикаысьтымы удмуртъёс тросэн улоно ёросъёсы но городъёсы солэсь филиалъёссэ усьтон сярысь но вераськизы. Туннэ, 24-тӥ июне, одӥгез бадӟым ужрад ортчиз: Бурай ёросысь Мамады гуртын национально-культурной центрлэн собраниез ортчиз. Отчы республикаысьтымы удмуртъёслэн огазеяськонэнызы кивалтӥсь Л. Л. Зидымаков, Кенешезлэн ёзчиосыз Р. Г. Рахимов, А. Г. Зайноков, Бурай ёрос администрациен кивалтӥсьлэн социальной ужпумъёсъя воштӥсез Г. Х. Нуртдинов, Азяк гурт поселенилэн администрациеныз кивалтӥсь А. Т. Мухаяров но мукетъёс пыриськизы. Башкортостанысь удмуртъёслэн национально-культурной центрзылэн Бурай ёросысь филиалэзлэн Кенешеныз кивалтӥсе Мамадыысь культура юртэн кивалтӥсь Лилия Атнафикова быръемын. Собраниез шулдыр удмурт кырӟанъёсын йылпумъязы.