Кучыран пичи пиез синтэк кельтӥз

Кышкыт учыр Салават ёросын луиз. Эмчиос пияшлы олокӧня операциос ке но лэсьтӥзы, со синтэк кылиз.

Салават ёросысь Юнусово гуртысь пиос шур дурысь ву пырыса бертыкузы, одӥгез сюрес дурысь пичи тылобурдоез – кучыранэз - синйылтэм. Со тылобурдопиез кияз басьтэм. Витьымтэ шорысь пиос доры бадӟым кучыран вуэм. Со пичи пи вылэ урдскем, сое бурдъёсыныз шуккылыны, кокчаны кутскем. Кучыран пилэсь синзэ но кокчалтэм.

Пичи пиез эмъюртэ вуттӥллям. Уфаысь эмъюртын солэн синмаз олокӧня операция лэсьтӥллям ке но, пияшлэн одӥг синмыз пыраклы адӟисьтэм кылёз.

Тылобурдоосын ужась ӧнерчиос верало, анай-кучыран пиоссэ туж сак эскере. Со номыр шоры учкытэк, соосты мозмытон сярысь, пе, сюлмаське.

Фото: открытый источник.