"Тазалыклэн поездэз" Татышлы ёросын ужзэ йылпумъяз

«Тазалыклэн поездэз» Татышлы ёросын ужзэ йылпумъяз. Берлось кык нуналзэ со Калмиярын луиз. Тодады вайытӥськом, со куинь гуртъёсын – Арибашын, Буль-Кайпанын но Калмиярын – ужаз шуыса. Нефтекамск маршрутъя радъяськем автопоездын Тазалыкез эскеронъя передвижной мобильной центр, флюорография но маммография ужазы. Со сяна, мылкыд карисьёс коронавируслы пумит вакцина пуктыны быгатӥзы.

Туннэ, 18-тӥ июне, автопоездын ужасьёсты Татышлы ёрос администрациен кивалтӥсь Ф. Р. Шайхисламов Эмчиослэн нуналэнызы ӟечкылаз но ёросысь калыклэсь тазалыксэ эскеронэ бадӟым кужым пыртэмзы понна тау кариз.