Бадӟым Гондыр велопробеге пыриськисьёсты пумитаз

Пермь шаерысь Куеда ёросысь Атайёслэн Кенешсы «Дорога дружбы» велопробег радъяз.

Отчы 29 адями пыриськиз. Соос пӧлысь тямысэз – Чернушка ёросысь велосипедистъёс. «Ми огъя 50 иськем сюресэз ортчим, - гожто вотэс бамъёсы ужрадэ пыриськемъёс. – Шутэтскимы Бадӟым Гондырын. Бадӟым тау культура юртын ужасьёслы. Соос милемыз шуныт пумитазы, ческыт чайен куноязы».

Велопробеге пыриськисьёс Бадӟым Гондырысь шутэтскон паркетӥ но ортчизы. Соос понна фотосессия радъямын на вал. «Куноослы ми котьку шумпотӥськом. Велопробеге пыриськисьёслы ваньзэ ӟечсэ сӥзиськом», - шуо Бадӟым Гондырысь культура юртын ужасьёс.

Фото: https://vk.com/public190684789?z=photo-184786946_457239637%2Fwall-190684789_645