Куеда ёрос бадӟым юбилейзэ пумитаз

Толон, 12-тӥ июне, Куеда ёрослэсь кылдэмез дырысен 95 ар тырмонзэ пусйизы. Со Россилэн нуналаз тупаз. Шулдыръяськон вазь ӵукна ик кутскиз. Та нуналэ трос спорт шудонъёс радъяськизы, ёросысь устоосыз ансамбльёс кырӟазы но эктӥзы, пӧртэм калыкъёслэн нимысьтыз площадкаоссы ужазы. «Ми ёрослэн кылдон аръёсызлы сӥзем композицимес возьматӥмы», - вера Бадӟым Гондырысь «Тюрагай» калык ансамблен кивалтӥсь Физа Гарифуллина. Шулдыресь гуръёссэ кисьтӥз Гожанысь «Пинал сюлэм» ансамбль но.

Ёрослэн юбилеезлы сӥзем ужрадын спортэз, культураез, дышетонэз но мукет удысъёсты азинтон сярысь сюлмаськисьёсты Тау каронъёсын данъязы. Соос пӧлын луизы Бадӟым Гондырысь Физа Гарифуллина но Раиф Нуриев.

Туспуктэмъёс интернетысь басьтэмын.