Касияровоос "Вуэ куяськон" йылолзэс тодазы ваизы

Туннэ тросэз, тужгес гуртын улӥсьёс, куазь зор витё. Турын, ю-нянь, бакчаысь емышъёс уг будо. Соин Бурай ёросысь Касировоын улӥсьёс "Вуэ куяськон" йылолзэс ортчытыны малпазы. Ранус Садиков со пумысен вотэс бамаз гожтэ: "Башкортостанысь удмуртъёс туэ куазь зорымтэысь вашкала нергезэс тодазы ваёно луизы – вуэ куяськон (саптаськон, карга бутка) ортчытылӥзы. Бурай ёросысь Касиярово гуртын но 5 июне вуэ куяськизы. Нылкышноос но пиналъёс ваннапалысен уллапала урам кузя пыласькыса васькизы. «Зор мед сётоз» шуыса, ог-огзы вылэ ву пазьгаса лыктӥзы, коркаосы но пазьгаллязы. Гуртэз ортчем бере Катканшайе мыныса ву киськазы, отчы ватэмъёслэсь зор курыса. Отысен Матӥсьты дуре мыныса ог огзэс вуэн пылатӥзы. Лымшор бере Танып шур дуре люкаськыса Инмарлэсь зор курыса куриськизы. Гурт калыклэсь бичам кеньырэн ӝук пӧзьтыса сиизы. Куриськем бере но вуэн пазяськизы на. Куриськемзы кабыл мед луоз! Шуныт-небыт зоръёссэ мед сётоз!"

Фото: https://vk.com/club189238525