Гырон-быдтон ужрадын мотоблокъёсын биатлон ортчиз

Республикаысь ёросъёсын но гуртъёсын гырон-быдтонлы сӥзем ужрадъёс азинско. Туннэ, 6-тӥ инвожое, Янаул ёросысь «Колхоз Восток» СПК-ын (кивалтӥсез О.В. Зайнуллин) сабантуй ортчиз. Та гурт хозяйство ёросысь одӥгез кужмоеныз лыдъяське.

Ужрадын мотоблокъёсын ӵошатскон ортчиз. Со биатлон выллем луиз. Отчы ваньзэ 12 мылкыд карисьёс пыриськизы. Нырысетӥ интые потӥз Выль Варашысь Денис Насибуллин, кыкетӥ интыын – Вуж Варашысь Евгений Зайнуллин, куинетӥ интыын луиз Вуж Варяшысь Лев Гайфуллин. Нош Янаул ёрос администрациен кивалтӥсьлэн И. А. Вазигатовлэн кузьымезлы кузё луиз Вуж Варашысь Рафис Миннигалиев. Со сяна, та нуналэ мукет но трос ӵошатсконъёс ортчизы. Кылсярысь, гозы кыскан, МТЗ тракторлэсь питранъёссэ питыръян.

Вуж Вараш, Няняды культура юртын ужасьёс но мукетъёс ужрадэ вуэмъёслы чебересь кырӟанъёссэс кузьмазы.

Туспуктэм: https://vk.com/yanzori