Гурт удысын тыршисьёсты данъязы

Туннэ, 5-тӥ июне, Янаул ёросын но Гырон быдтон праздник ортчиз. Отын гурт удысын сюлмысь тыршем адямиосты, ӟеч азинскись хозяйствоосты пусйизы. Кылсярысь, «Колхоз Восток» СПК-ысь Ильдар Насибуллинлэсь но «Мичуринский» ООО-ысь операторлэсь Ирина Хамидуллиналэсь тыршемзэс Башкортостан Республикалэн Тӧроезлэн Радий Хабировлэн Тау каронэныз пусйизы.

Со сяна, сабантуйын «За ежегодное внедрение передовых технологий возделывания сельскохозяйственных культур» номинациын дипломен пусъемын «Агро М» ООО (кивалтӥсез Рудольф Шарафутдинов). Гурт удысэз азинтон ласянь ӟеч тыршемез понна нырысетӥ инты «Колхоз Восток» СПК-лы (кивалтӥсез Олег Зайнуллин) сётэмын.

Туспуктэм: https://yanzori.rbsmi.ru/