Онлайн-конкурсъёсмы азинтӥсько

Вконтакте вотэс бамын ялэм «Ошмес Чеберай» но «Удмурт ӟегыт» конкурсэ республикаысьтымы пӧртэм ёросъёсысь, Пермь шаерысь трос пиналъёслэсь туспуктэмъёс вуизы. Шӧдӥське, нылпиос анай кылынызы, удмурт калыклэн культураенызы данъясько. Нош макем чебер адӟисько соос вылын калык дӥськутъёсмы! Конкурсъёсын тросгес лыдӟисьёсмы Пермь шаерысь Куеда ёросысь Кипчакысь Анастасия Темирбулатова но Егор Сакриев понна куаразэс сётӥзы. Пинал эшъёсмес редакцимылэсь синпель кузьымъёс витё.

Нош табере выль конкурсмы сярысь ивортыны дыртӥськом. Со «Мон гуртын улӥсько» нимаськоз. Конкурс вконтакте вотэс бам пыр ортчоз. Отчы пыриськон понна туспуктэмъёс пыр гурт улонэз яркыт возьматыны тыршоно: ужъёсады инкуазьын шутэтскемды, бакча будэтэмды, пудо утемды, турын дасямды но трос мукетыз луыны быгатоз. Туспуктэмъёсты редакциямы вконтакте вотэс бам пыр келяно. Акция 31-тӥ гудырикошконозь кыстӥськоз. Куара сётон нимысьтыз приложение пыр 1 - 8-тӥ куарусёнэ ортчоз. Вормись синпель кузьымен пусъемын луоз.

Туспуктэм: https://vk.com/id281787600