Башкортостанысь удмуртъёслэн газетсы вордӥськем нуналзэ пусъе

Туннэ, 1-тӥ инвожое, вазь ӵукна ик Татышлы информцентрысь эшъёсмы ӟечкылазы. «Юлдаш» радио пыр, пе, кылӥмы, Башкортостанысь удмуртъёслэн «Ошмес» газетсылэн туннэ вордӥськем нуналэз шуыса. Нош собере ӟечкыланъёс борды итӥськиз удмурт кылбурчи, «Ошмес» газетын ужам Татьяна Харисова. Со гожтэ: «Праздникен тонэ, "Ошмес". Ялан мед пӧзёд, ялан мед муралод, ялан мед паськыталод, юзмыт вудэ калыке вуттыса. Праздникен тӥледыз, дуно ошмесчиосы. Юн тазалык тиледлы, шудбур но ужъесады вылесь вормонъёс». Вордскем нуналэнымы ӟечкыланы дыртэ Татышлы ёросысь Ивановкаысь лыдӟисьмы Зинира Шаймарданова: «Гажано "Ошмесчиос"!!!Вордӥськем нуналэныды, тӥледыз!Пероды капчи но шӧртчи мед луоз. Выль вормонъёс тӥледлы!!!Лыдӟисьестылэн лыдзы арысен аре мед йылоз. Капчилык, тазалык тӥледлы!!!"

Тау, дуно лыдӟисьёсмы, "Ошмес" газет 22 ар ӵоже ни тӥледыз выль но ӟеч иворъёсын тодматэ. Артэ вамыштомы азьланяз но.