Наркотик улонэз медаз чигы

Шаермы пиналъёсты, егитъёсты кышкытлыкъёслэсь утёнлы трос саклык висъя.

Школаосын, гуртъёсысь клубъёсын, библиотекаосын ужасьёс пиналъёслы наркотикъёслэн кышкытлыксы сярысь ужрадъёс дасяло но ортчытъяло.

Пермь шаерысь Куеда ёросысь Гожанысь клубен кивалтӥсь Лариса Зарипзянова та нуналъёсы гуртысьтызы пиналъёсты клубе люказ. Соос понна «Нет наркотикам» лекция-шудон радъяськиз. Ужрадын пиналъёс наркотикъёслэн тазалыклы кышкытлык ваемзы сярысь вераськизы. Ужрад спортивной шудонъёсын йылпумъяськиз.

Фото: https://vk.com/feed?z=photo208069960_457244336%2Fwall208069960_1771