Барабановкаын пумиськонмы туж шуныт ортчиз

Толон, 27-тӥ июньын, быдэс уж нуналмы Янаул ёросысь Барабановкаын ортчиз. Татысь калыкен пумиськонмы туж шуныт радъяськиз: кӧня ке семьяосын тодматским, фельдшер пунктэ, магазинэ, нылпи садэ, библиотекае пырамы. Ужмы интыысь культура юртын йылпумъяськиз. Татчы «Азвесь гур» ансамбле ветлӥсьёс люкаськемын вал. Соос анасамбленызы тодматэм сяна, шулдыр кырӟанъёссэс но кырӟазы. Соос пӧлысь одӥгзэ тӥледлы но кылзыны ӵектӥськом.