Янаулын библиотекарьёслэн семинарзы ортчиз

Туннэ, 27-тӥ куартолэзе, Библиотекаослэн нуналзы пусйиське.

Семинарын «Бадӟым удмурт диктант» межрегиональной акцилы йылпумъянъёс лэсьтӥзы. Туэ Янаул ёросысь удмурт диктантэз кык площадкаосын гожтӥзы: центральной библиотекаын но Вуж Варашысь модельной библиотекаын. Акцие пыриськыны мылкыд карисьёс трос луизы. Трос балл басьтэмъёс пӧлын луизы Вуж Варашысь библиотекарь Марина Хисамутдинова, Янаул библиотекаысь комплектованиея но обработкая ёзэтэн кивалтӥсь Ольга Мухаметшина, Шудекысь клубын ужась Ангелина Менгафарова, Шудекысь библиотекарьЛюдмила Садыкова, Каймашабашысь библиотекарь Гольфира Байназарова, Истякысь библиотекарь Римма Галимзянова. Ужрадын соослы сертификатъёс сётъязы.

Акцие дышетӥсьёс но мыло-кыдо пыриськизы. 100 балл басьтӥзы Каймашабашысь но Шудекысь удмурт кылъя дышетӥсьёс Земфира Ибраева но Инзиля Минликаева.

Янаул библиотекаысь удмурт секторен кивалтӥсь Вероника Файзуллина акцие пыриськемъёслы тау кылъёссэ вераз. Азьланяз но ӵошен ужаны сӥзиз.

Фото: https://vk.com/yanbibl?z=photo-70100690_457247946%2Fwall-70100690_2944