Ижкарын финн-угор калыкъёслэн огъяросси форумзы ортчоз

Ижкар финн-угор калыкъёсты нырысетӥез огъяросси форумазы люка. Со 3-4 инвожое ортчоз.

Ужрадэз сӥё-дано усьтон но солэн пленарной люкетэз («Финно-угорское пространство: исторический опыт, современное измерение и перспективы развития») нырысетӥ нуналаз операя но балетъя кун театрын ортчозы. Со нуналэ ик Ижкарысь шор площадьын Россилэн финн-угор регионъёсысьтыз усточиослэсь концертсэс учкыны, татчы ик радъям ярмаркаысь пӧртэм киужъёс басьтыны луоз. Ӝытпал Удмурт Элькунлэн тӧроез Александр Бречалов АФУН-лэн президиумезлэн ёзчиосыныз пумиськоз.

форумлэн ужез 4-тӥ инвожое Калыкъёслэн эшъяськон юртазы азинтӥськоз. Отын куинь секциос ужалозы:

- «Культурное наследие финно-угорских народов в контексте современных научных исследований и образовательных практик»;
- «Продвижение языкового многообразия финно-угорских народов в цифровом и информационном пространстве»;
- «Роль молодежных инициатив и проектов в сохранении и развитии этнокультурных традиций финно-угорских народов».

Та нуналэ нимаз кенешон ортчытозы АФУН-лэн президиумезлэн ёзчиосыз.

Йылпумъян ужрад бере делегатъёс "Лудорвай" архитектурно-этнографической музей-заповедникен тодматскыны мынозы.

Туспуктэм Алина Крестьяниновалэн Фейсбук бамысьтыз басьтэмын.