Капчи-а бызьылыны таӵе пӧсен спортсменъёслы?

Кылем кӧснуналэ Краснокама ёросысь Николо-Берёзовкаын капчи атлетикая "Никольский храм" усьтэм республика бызьылон-полумарафон ортчиз.
Гырлы жугем куара улсы полумарафонэ пыриськыны мылкыд кариллям Башкортостанлэн пӧртэм городъёсысьтыз но ёросъёсысьтыз, Пермь шаерысь, Удмуртиысь, Свердловск улосысь, Сургутысь, Грознойысь 200 пала бызьылӥсьёс. Котькуд дистанцыын вормисьёсты нимаз пусйизы. Валерий Гарейшин, Нефтекамск городын улӥсь удмурт спортсмен, "50-59 аресъем пиосмуртъёс" категориын 1-тӥ инты басьтӥз. Кызьы вера ачиз спортсмен соцсетьёсын, "та вал мынам улонысьтым тужгес секыт полумарафон". Малыез валамон: таӵе ӝокыт куазен адями огшоры вамышъяса но туж зол пӧся. Нош кызьы чидано таӵе пӧсен бызьылыны, сое спортсменъёс гинэ тодо но быгато, дыр. НОш Валериез ӟечкыласьком эшшо одӥг вормонэныз.