Татышлы ёросысь Ачу-Елгаысь Татьяна Набиуллиналы та нуналъёсы 100 арес тырмиз

Али Кильдасан гурт быремын ни. Со Янаул ёросысь Максим гурт поселение пыре вылэм. Быдӟым Атыкай ож аръёслэсь азьвыл Максим гурт поселение Янаул ёросысь одӥгез бадӟым сельсовет вылэм. Отчы вить гуртъёс - Максим, Вылысь Барабановка, Зирка, Кильдасан, Красный Труд - пыриллям. Та гуртъёсысь 383 адями войнае кошкем. Соос пӧлысь 95-ез гинэ вордскем палъёсазы берытскиллям. 288-эз солдатъёс ивортэк ышыса, пыраклы мурт шаере кылиллям. Татьяна Ивановналэн но атаез ожмаськонэ пыриськем.

- Ми семьяямы куать ныл будӥмы. Пичи дырмы туж секыт вал, - вера Т. Набиуллина. – Ми но кузпалыным Андарьянэн куать нылпи будэтӥм: вить пи но одӥг ныл.

Татьяна Ивановна гумыраз колхозын ужам, пӧртэм ужъёсты быдэсъям. Со – ужысь ветеран, ож мышкын тыршись. Татьяна Ивановна быдӟым Атыкай ожын вормонлы сӥзем юбилейной медальёсын данъямын. Соос сяна, солэн мӧляяз «За самоотверженный труд в годы Великой Отечественной войны 1941-1945 гг.» медалез чиля.

100 аресъем песянайлэн кылъёсызъя, солэн узырлыкез – нылпиосыз, 21 внукъёсыз, 31 правнукъёсыз но куать праправнукъёсыз.

Фото: https://vk.com/lifetatyshly?z=photo616954602_457239858%2Fwall-146798139_3666