Мушъёслэн дунневыл нуналазы мушчиен пумиськон

Соосын лэсьтэм ческыт сиёнэз ваньзы ярато, но тросэз кышкало, лекалозы шуыса. Соосын пумиськизы ке, бызьылыны, киосынызы сэзъяны кутско. Кызьы валады ини, вераськон мынэ мушъёс сярысь. Мугоре пуксем муш куддыр берен лобӟыса кошке, астэ умой, вырӟылытэк, возид ке. Соин соос доры сабырлыкен но умой мылкыдын вамыштоно.

Алигес, мушъёслэн дунневыл нуналазы, Калтасы ёросысь Бадӟым Туганеево гуртын улӥсь нылпиослы тунсыко пумиськон радъяськиз. Нош ветлӥзы соос гуртысьтызы муш утись доры. Ф.М. Шаритдинов аслаз муш бакчаяз пиналъёслы мушъёс сярысь трос тунсыкозэ мадиз соослэн ужамзы, чечы сярысь, тодматӥз, кызьы мушъёсты учконо. Оло, та пумиськон бере кие ке азьланьын муш утьыны мылкыдын кошкиз.