Кыдёкын-а Чайковский город Уразгильдылэсь?

Пермь шаерысь Чайковский городысь "Зарни сӥзьыл" йӧскалык фольклор ансамбль но Башкортостанысь Татышлы ёросысь Уразгильды гуртын алигес кылдэм "Дэмен" коллектив. Ма соосты герӟа? Герӟало иськемъёс, задор мылкыд, удмурт кырӟанъёс но пумиськыны котьку дась луэмзы.

Чайковскийын радъяськем шуныт пумиськон "Удмурт Кенеш" огазеяськонлэн 30 ар тырмонэзлы сӥземын вал.

«Зарни сӥзьыл» фольклор ансамбль куное ӧтиз Башкортостанысь «Дэмен» ансамблез. Чайковскийысь удмуртъёсын тодматскыны мынӥз озьы ик БР-ысь Калыкъёслэн эшъяськон юртсылэн филиалысьтыз - Историяя но культурая удмурт центрысь методист Ксения Милиятова. Ог-огенызы тодматскон, кырӟан-веран-эктон, удмурт пӧрамъёсты веръян, городэн тодматскон - нунал ӵоже кык ансамбльысь удмурт кышномуртъёс пыраклы эшъяськизы. Табере дэменъёс Пермь шаерысь эшъёссэс Башкирие витё.
Туспуктэм "Вконтакте"-ысь басьтэмын.