-15 °С
Салкым
Вормонлы - 80 ар
Вань иворъёс
Новости
9 куартолэзе 2021, 21:50

Кызьы радъяськоз нылпиослэн гужем шутэтсконзы?

Башкортостан Республикалэн Тӧроез Радий Хабиров 2021-тӥ арын нылпиослэсь гужем шутэтсконзэс радъян пумысен кенешон ортчытӥз.

Башкортостан Республикалэн Тӧроез Радий Хабиров 2021-тӥ арын нылпиослэсь гужем шутэтсконзэс радъян пумысен кенешон ортчытӥз.
Туэ нылпи лагерьёсын 319 сюрс пиналъёсы шутэтскозы. «Югдур сокем капчи ӧвӧл ке но, лагерьёсты усьтыны чакламын. Таӵе куронэн вазиськылӥзы анай-атайёс, нылпиос но ӵошен шутэтсконлэсь мӧзмемын ни», - вераз Радий Хабиров.
Башкортостостан Республикаысь дышетонъя но наукая министр Айбулат Хажин пусйиз, Россилэн Президентэз Владимир Путин лагерьёсы путёвкаослэсь 50 процентсэ федерал бюджетысь берыктозы шуыса ас дыраз ивортӥз. «Туэ анай-атайёс нылпи лагерьёсы путёвказылэсь кӧня ке процентсэ берыктон понна кык амалъёсын пайдаяськыны быгатозы. Нырысетӥез: республика программая путёвкалэн 70 процентэз республика бюджетысь берыктӥськоз. Кыкетӥез: путёвкалэсь 50 процентсэ федерал бюджетысь берыктозы, 30 процентсэ – республика бюджетысь, - вераз Айбулат Хажин. – лагерьёс со понна 20-тӥ маёзь ужкагазъёс дасяны кулэ». Туэ нылпи лагерьёсы путёвкаослэн дунъёссы 1шор лыдын 21 нуналлы 18950 манет луоз. Озьыен, вань компенсациосты лыдэ басьтыса, анай-атайёс пиналъёссылэн шутэтскемзы понна вить сюрслэсь гинэ тросгес коньдон тырозы.
Туспуктэм редакцилэн архивысьтыз басьтэмын.
Читайте нас: