Янаул ёросысь Вылысь Барабановка гуртын туннэ ожын быремъёсты буре ваён обелиск усьтӥськиз

Янаул ёросысь Вылысь Барабановка гуртын ожын бырем гуртооссэс буре ваён интызы ӧй вал на. Та гуртын будэмъёс Фёдор Газиев но Станислав Набиуллин куспазы кенешыса, обелиск лэсьтыны гуртооссылы, Арка гуртысь потэм но али пӧртэм интыосын улӥсьёслы вазиськизы. Таӵе ӟеч ужлэсь нокин но палэнэ ӧз кыль. Ӵапак Вормон нуналлэн 76 ар тырмонэз азьын обелиск дась луиз. Туннэ сое сӥё-дано усьтон ортчиз.
Вылысь Барабановкаын улӥсьёс, пӧртэм интыосысь гуртазэ бертэмъёс сяна, обелискез усьтонэ пыриськизы Янаул ёрос администрацилэн тӧроезлэн воштӥсез Салават Гильмиев, Россиысь Президентлэн администрацияз ужась Рафаэль Хакимов. Обелиск лэсьтон бордын лулысь-сюлмысь тыршисьёсты тау карон гожтэтэн пусйизы. Концерт номеръёссэс кузьмазы гуртысь "Етӥн" ансамбль но Максим школаын дышетскисьёс. Люкаськемъёсты солдат ӝукен но куноязы.

Фото: Ильдар Шарипов.