Качкин-Турайын выль обелисксэс усьтӥзы

Туннэ, 6-тӥ мае, Калтасы ёросысь Качкин-Турай гуртын бадӟым ужрад ортчиз. Татын выль обелисксэс усьтӥзы. Отчы весяклы ож бусые кылем гуртооссылэн но гуртазы быдӟым вормонэн бертэм ожгарчиослэн нимъёссы пыртэмын. Обелискез усьтыса, гуртын митинг радъяськиз. Отчы гурт калык сяна, палэнысь вуэм куноос но пыриськизы. Соослы «Шунды ӝужан», «Солнышко» вокал коллективъёс, «Рябинушка» эктон коллектив шулдыр кырӟанъёссэс но чебер эктонъёссэс кузьмазы. (Пыр-почгес лыдӟоды газетмылэн вуоно номерысьтыз).