«Зангари» нылпи садын

Янаул ёросысь Каймашабаш гуртысь «Зангари» нылпи садэ ветлӥсь пичиослэн котькуд нуналзы тунсыко ортче. Алигес нылпи садын ужасьёс соос понна «Моя родословная» ужрад дасязы. Со «Мы умеем предками гордиться!» девиз улсын ортчиз.

Вераны кулэ, «Зангариын» выжыослы сӥзем ужрадъёс ортчытон ӟеч сямлы пӧрмемын ни. Нылпиос но соослэн анай-атайёссы та ужрадэ мыло-кыдо пырисько. Пичиос бадӟымъёсын ӵош семьязылэн улэм сюресэныз тодматско, сям-йылолъёс сярысь трос выльзэ тодо. Та ужрад анай кылэз дышетонын но валтӥсь инты басьтэ.

Фото: открытый источник.