Арибаш школаын тунсыко мастер-класс ортчиз

Татышлы ёросысь Арибаш школаысь суредаськонъя урокъёсты нуись дышетӥсь Д. Ф. Набиева 5-тӥ классын дышетскисьёс понна мастер-класс ортчытӥз – пиналъёс кукла Берегиня лэсьтӥзы.

Мунё лэсьтон борды кутскемзылэсь азьвыл, дышетӥсь пиналъёсты вашкала ӵыжы-выжыосмылэн улонэнызы тодматӥз, соослэн сьӧд но тӧдьы кужымъёслы осконзы сярысь вераз. Вылӥ кужымъёслы оскисьёс мунёос тупато вылэм. Соос кышкытлыкъёслэсь утё шуыса малпаллям. Нуны вордскемлэсь азьло ик зыбкае (кӧкые) мунё поно вылэм. Со мунё адямиез пичи дырысеныз кутскыса, бадӟым будытозяз уте шуыса оскиллям.

Ужрадын нылпиос тодӥзы, Берегиняослы ымныр суредало-а, уг-а вылэм. Нош ним сётылӥллям-а?

Пиналъёслы ваньмыз тунсыко луэм. Соос асьсэ киосынызы мунё Берегиня лэсьтӥллям.

Фото: https://aribash.02edu.ru/school/news/dlya-uchenikov/464183/