Удмурт калык дӥськутэн тодматӥзы

«Эшъяськон тугоко» удмурт нылкышно клублэн ёзчиосыз – Арибашысь Лилия Гараева но Калмиярысь Надежда Гильманшина - Уфае вуылӥзы. Малы?

Туннэ, 16-тӥ апреле, Башкириын Калык костюмлэн нуналыз пусйиське. Со улсын республикаын пӧртэм ужрадъёс ортчытыны чакламын. Кылсярысь, БР-ысь удмуртъёслэн ИКЦ-зы но «Эшъяськон тугоко» нылкышоослэн клубазы пыриськисьёс Лилия Гараева но Надежда Гильманшина вазь ӵукна ик шоркарамы вуизы.

Соос «Россия1 Башкортостан» телеканалысь «Хэйерле иртэ, Республика» программае пыриськизы, удмурт калык дӥськутэн тодматӥзы, удмурт калык культура, сям-йылолъёс сярысь веразы.

БР-ысь удмуртъёслэн ИКЦ-зы та телепередачае вуылыны луонлык кылдытэмзы понна тау кылъёссэ вера Татышлы ёрос администрацилы.

Фото: открытый источник.