Бигиней школаысь пиналъёс куасэн ӵошатскизы

Спорт вашкала дырын кылдэмын. Античной вакытэ со шулдыръяськон, мугорлэсь кыдамзэ адӟытон амал выллем луэм. Аръёс ортчыса но, спорт улонысьтымы ышымтэ. Со азинске. Спортлэн тол видъёсыз но шаерамы паськыт вӧлмемын. Куасэн бызьылонъя ӵошатсконъёсы, конькиен нискыланъёсы нылпиос но шумпотыса пырисько.

Тазалыклэн но шумпотыса кема улонлэн арзы улсын Татышлы ёросысь М. Гариповлэсь нимзэ нуллӥсь Бигиней школаын куасэн ӵошатскон ортчиз. Покчи классъёсын дышетскисьёс куас сюрес вылэ шумпотыса потӥзы. Котькин финише нырысетӥ вуон сярысь сюлмаськыса бызиз. Вормон пальпотӥз кужмоослы.

Фото: https://vk.com/public201967012?z=photo-201967012_457239068%2Fwall-201967012_32