Инкуазез утисьёсты «Экобратство» огазеяз

Со «Экобратство» нимаськиз. Отчы Башкортостанлэн 24 ёросъёсысьтыз но ЛНР-ысь 100-лэсь трос пинал экологъёс пыриськизы: экологъёслэн 17 командазы, лесоводъёслэн – 12. Соос пӧлын луиз Ермекей ёросысь Суккулово гуртысь школалэн (отын Купченейысь но пиналъёс дышетско) командаез. Командаын ӵошатскизы школа бордын ужась «Росток» лесничестволэн ёзчиосыз: Иван Матвеев, Дарья Иванова, Павел Никитин но Милана Кузнецова. Ужрадэ соос дышетӥсенызы Ольга Петряеваен вуизы.

Ньыль нунал ӵоже пиналъёслы пӧртэм эскеронъёсты пыр потоно луиз: нюлэс висёнъёсты, флораез но фаунаез, нюлэс тылпуэн нюръяськон амалъёсты эскеризы. «Ӵошатскон сяна, пиналъёс тодон-валанзэс узырмытӥзы. Кин уж сюрессэ инкуазен герӟаны малпа, соос понна слёт тужгес пайдаё луиз. Ужрад дышетӥсьёс понна но тунсыко луиз – туала ужан амалъёс сярысь вераським», - вера слётэ пыриськемзы сярысь Ольга Николаевна.

Суккуловоос республика слётын дипломант луизы. Нош Иван Матвеев «Лесная таксация» номинациын - призёр.

Фото: МОБУ СОШ с. Суккулово МР Ермекеевский район РБ