Чернушкаын семьяослы сӥзем ужрад ортчиз

Пермь шаерысь Чернушкаын но кема аръёс ӵоже ӵош улэм кузпалъёсты ӟечкылазы. Ананьиноысь Рафиков кузпалъёс но соос пӧлын луизы.
Закирьян Тимерханович Татышлы ёросысь Улысь Балтач гуртын вордскыса будэм, Вера Николаевна - Таныповкаын. Соос 1971-тӥ арысь толсур толэзьысен улон сюрести ваче ки вамышто.
Армиысь бертыса, З. Рафиков Чернушкаысь 4-тӥ номеро СМУ-ын грузчикын ужам, собере мастер вылэм. Бӧрысь солэн уж сюресэз 8-тӥ номеро ПМК-ын азьланьтӥськем, мастер луыса ужам. Со дыре ик Пермьын строительной техникумын дышетскем. Вера Николаевна 1-тӥ номеро СМУ-ын изолировщица луыса ужам.
Кӧня ке дыр ортчыса, Рафиковъёс Ананьиное улыны выжиллям. Отын Вера Николаевна гурт хозяйствоын тыршем, пенсие потытозяз техник-осеменаторлэсь ужзэ нуэм.Нош кузпалыз прораб вылэм. Закирьян Тимерханович пенсие потыса РАЙПО-ын ужам на.
Кузпалъёслэн улон сюрессы мукетъёслы адӟем карымон луэ. Туннэ но соос ужтэк пукыны уг чидало, сад-бакча будэто. Ваньмон дырзэс чорыганлы сӥзё. Вера Николаевна киужен выре, керттӥськыны тужгес яратэ. Нылпиоссы соос доры шумпотыса вуо. Кузпалъёсты дас внукъёссы но вить правнукъёссы шумпотто ни.