Тэльын кӧня коньы, ӟичы, кабан, возьматоз лыдъян-чотан

Та ужез быдэсъяло инкуазез утён удысын тыршись ӧнерчиос. Соос пӧйшуръёслэсь, тылобурдоослэсь лыдзэс пытьыоссыя эскеро-лыдъяло.

Башкортостанысь Экологияя но инкуазь ваньбурен пайдаяськонъя министерствоын ивортэмзыя, пӧйшуръёсты лыдъясьёс огъя 800 сюрс гектарлэсь ятыр музъемез ортчозы. Соос, кылсярысь, койыкъёсты, косуляосты, кырпарсьёсты, кионъёсты, лудкечъёсты, ӟичыосты, куницаосты, дукъяосты но мукет пӧйшуръёсты лыдъялозы. Та уж возьматоз: кыӵе пӧйшур кӧнялы йылэмын, соос пӧлысь кӧнязэ пӧйшурасьёслы кутыны лэземын луоз яке пӧйшуръёслэн лыдзы кулэсмемын-а?   

Толалтэ пӧйшуръёсты, тылобурдоосты лыдъян-чотан «Экологическое благополучие» нацпроект улсын радъяське.