Нюлэсъёс мед будозы

Та уж «Экологическое благополучие» нацпроектлэн «Сохранение лесов» федерал проектэз улсын быдэстэмын. Писпу кидыс дасян лесхозъёслэн одӥгез валтӥсь ужпумзы луэ. «Регионлэн палэнысьтыз кидыс ум басьтӥське. Асьме дорысь бичам кидыслэн узьымез ӟеч будэ угось. Писпу азьвыл будэм интыяз умой выжыяське, котькуд ёрослэн климатэз аспӧртэм луэ, - вера республикаысь нюлэс хозяйствоя министрлэн воштӥсез Альберт Закиров. - Вань дасям кидыс ӟечлыкезъя эскеронъёсты ортчиз».

Туэ Башкортостанын нюлэс хозяйствоез азинтонлы «Экологическое благополучие» нацпроектъя 280 млн манет коньдон висъяськоз. Со коньдон тепличной комбинат ӝутыны, писпу узьым будэтыны чакламын. Со сяна, нюлэсъёсты тылпулэсь утён вылысь, видеомониторинг лэсьтыны камераос басьтозы.