Нацпроектъёс улсын трос ужъёс лэсьтэмын

«Молодёжь и дети», «Инфраструктура для жизни», «Семья», «Туризм и гостеприимство» нацпроектъёслы быдэн 8,4 млрд манет коньдон висъяськем. Та проектъёс улсын республикаын трос ужъёс быдэстэмын. «Лулчеберетъя, дышетонъя 36 объектъёсын тупатон ужъёс лэсьтэмын, 33-аз – быдэсак йылпумъямын, 170 общественной интыосты выльдон ужъёс мыно. Ваньмыз калык понна лэсьтӥське», – вера Башкортостанысь правительстволэн премьер-министрез Андрей Назаров. Со сяна, «Жильё» региональной проектъя 510 млн манет коньдон Сибайысь, Бирскысь, Благовещенск, Гафури, Дюртюли, Илиш, Кугарчин, Татышлы, Учалы но Чишмы ёросъёсысь аварийной коркаосын улӥсьёсты мукет интыосы поттыны юрттӥз. Со коньдонэз Территориез азинтонъя фонд висъяз.

Фото:Олег Яровиков.