Шутэтскон лагерен герӟаськем ужпумъёсты эскеризы

Со пумысен Татышлы ёрос администрациен кивалтӥсь Фанур Шайхисламов вотэс бамаз гожтэ: «Ёросысь Комаров нимо шутэтскон лагерен герӟаськем ужпумъёсты сэрттӥм-пертчим. Кызыл-Ярысь школае вуылӥм. Угось нылпиослы шутэтскон лагерез отчы выжтон сярысь малпан вань».

Школалэн юртэз туала улонлэн куронъёсызлы тупа. Отын РФ-ын быдэстӥськись «Развитие образования» кун программа улсын 2022-тӥ арын тупатон ужъёс лэсьтэмын. Озьы ке но зданиын тупатонъёс кулэ луозы. Соосты проектно-сметной ужкагазъёсын пусйыны ӵектэмын. Угось ӟеч луонлыкъёслэсь уте нылпиослэн каньыл, шудо, шулдыр шутэтсконзы.

Тодады вайытӥськом: Россиын «Молодёжь и дети» нацпроект быдэстӥське.

Фото: Руслан Бадертдинов