Котыр инкуазез утён сярысь сюлмаськоно

Со сярысь котыр улосэз утёнлы сӥзем черодысь кенешонын ивортӥз республикаысь правительстволэн премьер-министрезлэн воштӥсез – регионысь гурт хозяйствоя министр Ильшат Фазрахманов. Со пусйиз, республикаын экологилы бадӟым саклык висъяське шуыса.

- Адямиослы улыны ӟеч луонлыкъёс кылдытон вылысь, 2024-тӥ арын трос уж лэсьтэмын. Несанкционированной свалкаос быдтэмын, ву дуръёс тазатэмын но мукет. Экологиез утёнлы огъя 850 млн манет коньдон висъямын. Со пӧлысь 185 миллионэз – федерал бюджетысь, - вераз И. Фазрахманов.

Заседание БР-ысь экологияя но инкуазь ваньбурен пайдаяськонъя министр Нияз Фазылов но пыриськиз. Со пусйиз, котыр улосэз ӟечомытонын «Экологическое благополучие» нацпроект бадӟымесь ужъёс лэсьтыны юрттэ шуыса.