Башкириын ужбергатӥсьёслэн лыдзы йылэ

Ар пумозь та лыдпусэз 2%-лы ӝутыны, 145 сюрслы вуттыны, чакламын. Со сярысь ивортӥзы республикаысь Туризмъя но ужбергатонъя министерстволэн коллегияз.

-Туннэ ужбергатӥсьёс 600 сюрс адямиез ужен тырмыто. Самозанятойёслэн лыдзы будэ. Ужбергатӥсьёслы кун юрттэт но возьматӥське. Кылем арын федерал бюджетысь огъя 1 млрд манет коньдон висъяськиз, - вера БР-ысь правительстволэн премьер-министрезлэн нырысетӥ воштӥсез – регионысь экономической азинсконъя но инвестиционной политикая министр Рустам Муратов.  – Азьланяз кун юрттэт «Эффективная и конкурентная экономика» нацпроект улсын возьматӥськоз.