Удмурт гуртын спортэн эшъясько

Пиналъёсын, егитъёсын ӵош отчы арлыдоос но мылысь-кыдысь пырисько. Алигес гурт поселениысь Ветеранъёслэн кенешенызы кивалтӥсь Зульфира Гареева но гуртысь староста Ольга Диязова эстафета радъязы. Ӵошатсконъёс кутскемлэсь азьвыл О. Диязова арлыдоослы ГТО значокъёс сётӥз. Зарнилы кузё луиз Л. Галякбарова, азвесьлы – С. Шарипова.

Эстафета тунсыко ортчиз. Кык командаос пӧлын ӟырдыт нюръяськон пуромиз. Ужрад «Демография» нацпроектлэн «Спорт – норма жизни» программаез улсын радъяськиз.

Тодады вайытӥськом: Башкортостанлэн тӧроезлэн грантэз улсын Калтасы ёросын «Организация активной жизненной позиции пенсионеров и ветеранов Калтасинского района» проект быдэстӥське.

Фото: Зульфира Гареева-Минляхметова