Онлайн-олимпиада радъяське

Олимпиада «Безопасные качественные дороги» нацпроект улсын туэ ньылетӥ ползэ ортче. Кылем арын олимпиадае республикаысь 77 сюрс пиналъёс пыриськизы. «Нылпиослэсь сюрес вылын ветлон куронъёсын герӟаськем тодон-валанзэс муромытон - «Безопасные качественные дороги» национальной проектлэн одӥгез валтӥсь ужпумез. Кышкытлыкъёслэсь утиськон вылысь сюресъёсын тупатон ужъёс лэсьтӥськом, сюрес инфраструктураез азинтон бордын ужаськом. Кышкытлыкъёслэсь утиськон вылысь,нылпиос ПДД-ез тодыны кулэ. Со муген онлайн-олимпиада радъяське», - вера Россиысь Правительствоен кивалтӥсьлэн воштӥсез Марат Хуснуллин.

Олимпиада Учи.ру дышетон платформаын ортче. Сое РФ-ысь Просвещениея министерстволэн юрттэменыз «Качественные автомобильные дороги» нацроект улсын радъяло Россиысь Транспортъя министерство, Россиысь МВД, «Национальные приоритеты» огазеяськон.