-3 °С
Салкым
Антитеррор
Вань иворъёс
Нацпроекты
2 январь 2023, 10:25

Выль Татышлы школаын нылпиос понна ӟеч луонлыкъёс кылдытэмын

Кылем арын «Образование» нацпроект улсын «Точка роста» центр усьтӥськиз.

Выль Татышлы школаын нылпиос понна ӟеч луонлыкъёс кылдытэмын
Выль Татышлы школаын нылпиос понна ӟеч луонлыкъёс кылдытэмын

Школаын нылпиос понна ӟеч луонлыкъёс кылдытэмын. Пиналъёс югыт, утялтэм классъёсын дышетскем сяна, ватсаса тодон-валан но басьто, внеурочной занятиосы мыло-кыдо пырисько. Кылем арын «Образование» нацпроект улсын «Точка роста» центр усьтӥськиз. «Точка роста» центр кык ӧръёсъя – естественной наукаос но технологической ӧр - ужа. Центрлэн кураторез Ангелина Валерьевна Садиева биология, химия предметъёслы сӥзем ужрадъёс ӵемысь ортчытъя, нош технологической ӧрлы сӥземъёссэ – физикая дышетӥсь Аркадий Сабирович Мардамшин. Пиналъёс соослэн радъям ужрадъёсазы шумпотыса лыкто», - вера школаен кивалтӥсь.

«Образование» нацпроект тодон-валан сётон юртъёслэсь материально-технической базазэс выльдыны но юрттэ. «Проект улсын школаямы 28 ноутбук, ньыль принтер бертӥзы. Матысь дыре телевизор ваёзы. Интернет ласянь кӧня ке шуг-секытъёс кылдо. Оскиськом, азьланяз та ужпум но палэнтэмын луоз шуыса», - вера Р. Гафуров.

Школаын спортлы трос саклык висъяськемез возьмато пиналъёслэн ёросын, зонаын но республикаын ортчись ӵошатсконъёсысь вормонъёсын бертэмзы.

Фото: Алексей Самирзянов.

Автор:Миляуша Булатова
Читайте нас: