Кибашлыослы сӥзем ужрад ортчиз

Пермь шаерысь Куеда ёросысь Бадӟым Гондырысь культура юртын ужасьёс Аряжын ортчем «Ярмарка ремёсел» ужрадэ вуылӥзы. Ужрадэз радъясьёс-нуисьёс куноосты азьло дыре «вуттӥзы». Ужрадэ пыриськисьёс ярмаркалэн азинскем сюресэныз тодматскизы.

Ужрадын «Город мастеров» адӟытон но радъямын вал. Отын Куеда ёросысь кибашлыослэн ужъёссэс возьматӥзы. Адӟытонын Бадӟым Гондырысь усточилэн Вячеслав Менликаевлэн ужъёсыныз но тодматскыны луиз. Куноосты кибашлыослэн улоназы луэм учыръёсын но тодматӥзы. Кылсярысь, Вячеслав Менкаметович кызьпу туйлэсь лэсьтэм арбериосты Кудымкарын ортчем финн-угор фестивальын нырысьсэ адӟем. Отысен солэн лэсьтӥськон мылкыдыз ӝутскем. Озьы кызьпу туйен вырон борды басьтӥськем. Табере солэсь ужъёссэ пӧртэм адӟытонъёсысь адӟыны луэ, ярмаркаосысь басьтыны луэ.

Вераны кулэ, В. М. Менликаев «Усточикар» лагерьын но ужаз. Кибашлы воргорон нылпиосты пӧртэм киужъёслы, ужан амалъёслы дышетӥз

«Ярмарка ремёсел» ужрад Россиысь устолыкъя но калыкъёслэн чеберлыко кылёсбурзыя арлы сӥземын вал.

Источник:Большегондырский Дом Культуры