Капчи атлетикая ӵошатскон ортчиз

Нефтекамск городын улӥсь Россиысь спортъя мастер Валерий Гарейшин, тодӥськом, толалтэ куасэн ӵошатсконъёсы пыриське. Туэ куасэн бызьылон сезонзэ со Калтасыын ортчем марафонын кыкетӥ интыен йылпумъяз. Куасэн бызьылонъя марафон «Демография» нацпроектлэн «Спорт – норма жизни» федерал проектэз улсын радъяськиз. Собере ик В. Гарейшин бызьылонъя тулыс марафонэ пыриськиз – нырысетӥ ӵошатсконзэ со зарни медален усьтӥз.

«Тулыс кросс Андрей Савельевлэн 50 аресэзлы сӥземын вал, -гожтэ вотэс бамаз В. Гарейшин. – Ӵошатсконэз радъясьёслы бадӟым тау кылъёсме верасько».

В. Гарейшин 50-59 аресъемъёс пӧлын 9 иськем дистанциез 36 минут но 02 секунд куспын ортчиз.

Фото: https://vk.com/id431307864?z=photo431307864_457241531%2Fwall431307864_2274