Выль Татышлы школаысь «Точка роста» центрын пӧртэм ужрадъёс ортчыло

Школаысь «Точка роста» центрын 6-тӥ классын дышетскисьёс понна «Пернатые друзъя» ужрад ортчиз. Тылобурдоосты утён, соосты яратон мылкыд пыӵатон ужрад тунсыко но пайдаё пӧрмиз. Пиналъёс бурдо эшъёсмы сярысь трос выльзэ тодӥзы. Ужрадысь соос сайкытэсь малпанъёсын кошкизы. Нылъёс но пиос шуо: «Ми тылобурдоосты ум кутылэ, соосты четлыкъёсы ум пыртэ. Нош кынмем тылобурдоез ке адӟим, сое шунтомы, сюдомы но эрике лэзёмы. Толалтэлы шуныт палъёсы лобӟем тылобурдоос тулыс берен асьме доры мед вуозы».

Тодады вайытӥськом: Башкортостанысь школаосын «Точка роста» центръёс «Образование» нацпроект улсын усьтэмын.  

Фото: МБОУ СОШ с. Новые Татышлы МР Татышлинский район