Егитъёслы – паськыт луонлыкъёс

2022-тӥ арын Россиын, 50 ареслэсь бадӟымъёс но пичи нуныен пукись анайёс сяна, тужгес кулэ луись пофессиосъя 35 аресозь егитъёс но дун тырытэк дышетскыны быгато. Со сярысь постановление улэ гожтӥськиз РФ-ысь правительствоен кивалтӥсь Михаил Мишустин.

Пояснительной запискаын гожтэмын: «Стать участниками программы переобучения и дополнительного профессионального образования теперь смогут несколько категорий молодых людей. Среди них – граждане, которые после завершения обучения или службы в армии более четырёх месяцев не являются занятыми, работники, находящиеся под угрозой увольнения, граждане без среднего профессионального или высшего образования».

Егитъёслы выль тодон-валан «Демография» нацпроектлэн «Содействие занятости» федерал проектэз улсын сёто. 2022-тӥ арын та проектлы федерал бюджетысь ватсаса 1,2 млрд коньдон висъяськоз. Дышетскыны мылкыд карисьёслы заявкаосты «Работа в России» порталын куто.

Фото: ИА "Башинформ"